KEVIN_MARBOENZ'S BLOG

Mars Toga Marbun

Cipt St.Kander Marbun Lumban Gaol

Di imun do di tano huta raja do mual tabu, Huta parjolo pinukka ni si Raja Naipospos
Ido tano hagodangan ni oppu dua sa ama, si Toga Marbun nang Toga Sipoholon ma Oppu i
Tudosan ni oppu si Toga Marbun tu sipoholon, Maol luluan tung sahat tu ujung ni portibion
Dos ni tuk-tuk na nang tahina sahata saoloan, Dos ni rohana ai na marhaha-anggi do oppu i

Si toga Marbun borhat ma tu silaban tu sipangabu, Rap soripada inanta boru pasaribu i
Na tuat tu rura bakkara sininta ni rohana, Laos lobu Marbun ma digoari haojahan nai
sorang ma tolu anak namarsangap si tolu sa ama sa ina do i

ima anak si tolu sarurutan
laos anak na saor matua do i
Si lumbanbatu ma anak si hahaan laos buha baju,
Si Banjarnahor ma anak rurutan na pai tonga i
Nahot do i songon dalihan anak ni Toga Marbun,
Si Lumbangaol ma anak si ampudan ni oppu i
Borhat ma muse oppu Si Toga Marbun tu parmonangan,
Laos diojakhon onan Sihorbo hatoguannai
Disuan do di si tambakna songon boa-boa na,
Laos tubu do i songon partanda ni pinomparna i
Tardok ma oppu i raja panganju
na lambas antong parrohaon na i
par-ate-ate limut ni tapian
partahi jala sipartogi do i
Disi do gadu-gadu sipoltak langit di tano Marbun,
Nang aek silang parbalohan silima oppu i
Nang hatuanan pangidoan ni ragam asi-asi,
Si Toga Marbun Boruna dohot angka berena i

Diupload oleh
MUSA KEVIN P MARBUN BANJARNAHOR (GENERASI KE 16 DARI TG.MARBUN)